Piujuaannartitsineq akisussaaffimmik tigusinermut attuumassuteqarpoq.
Taamaattuik nerisassanik eqqaannginnisamut, plastikkinut, eqqagassanut assigisaannullu tunngatillugu akiussaaffimmik tigusilluta iliuuserisinnaasagut iliuuserisarpagut.
Suli pitsaanngorsaaffigisinnaasagut suliniuteqarfiginiartarpagut.
Ullut tamaasa avatangiiserput sunnerneqartarpoq. Nerisassarpassuit atorneqarsinaagaluartut eqqaannarneqartarput, plastikkit immami saanilunni uumasunullu allanut ingerlateqqinneqartarput. Uagullu aamma unammilligassaqarpugut, akussagummi nutaajusut umiarsuarmik tikisittariaqartarpagut.
Taamaattumik avatangiisinut periusissiatsinni piumasaqaateqarpoq. Ukiuni kingullerni qaangiutttuni tamanna eqqumaffigisimaqaarput, ingerlaavartumillu avatangiisitta minnerpaamik sunnerneqarnissaa anguniartuarlutigu.
Uagutsinnut takeawayinik inniminniigussi, poortuutissat avatangiisinut mianerinnittut atorniartarpagut. Taakkualu saniatigut atortut plastikkiusut atortariaqanngitsut atornaveersaartarlutigit. Soorlu aamma maanna kiassaatigut uuliatortut atorunnaarlugit fjernvarme atorneqalernissaat sulissutigigipput. Suliaq taanna pillugu Nukissiorfiit suleqatigilluarlugit suliniuteqarpugut.
Uumasut uumalluarsimanissaat pingaartitaraarput, saniatigullu nerisassiarisartakkatta økologiskiunissaat aamma pingaartillutigu. Tamanna isumaqarpoq, akussat amerlanerpaat økologiskiusut atortarigut. Neqit kukkuuuneersut økologiskinngornikuupput uumalluataartuunikuullutillu, tamarmik Danmarkimeerput “the happy chicken project”-imilu aamma peqataalernikuulluta. Uagutsinni chicken wingsitoruit, chicken nuggetitoruit, burgeritoruit kukkukuulimmik, kukkukuullu sakiaanik aggukkanik neriguit, taava nerisatit økologiskiussapput.
Burgeritsinni nersussuup neqaa aammalu chili con carneniittut neqit aamma 100 %-imik økologiskinngussapput Danmarkimeersuussallutillu.
Takorloortuaannarnikuuvarput neriartortartunut økologiskiunerusunik sassaalliuteqarsinnaanissaq, taamaaliornitsinnilu nerisassiornermik inuussutissarsiuteqartut mingutsitsinnginnerusumik ingerlariuseqarnissaannut suleqataavugut. Uagutsinnut nerisassiassagut suminngaanneernersut, uumasunut atugassarititaasut minnerunngitsumillu nerisassaasimasut ilisimassallugit pingaaruteqartorujussuuvoq.
Maanna burgerit mamarluinnartut nersussuarmit økologiskimeersuuvoq Danmarkimeersuullunilu.
Burgeriutitsinni immussuit cremet cheddariupput økologiskiusut, kernemælk atorlugu brioche boorluliaq atortarparput, agurkit syltikkat, uanitsullu aappaluttut økologiskiusut akorivai minnerunngitsumillu grillsauceq nammineq sananeqarsimasoq aamma akoralugu.
Burgerip saniatigut crinkle cut fries (pommes fritesit økologiskit) sassaalliutigineqartalerput.
Piffissami qaninnerpaami naatitaatigut neqillu sinneri økologiskiulissapput.
Siunissami piujuaannartitsineq eqqarsaatigalugu cafe qitiusumik inissisimavoq – tassanimi nerisassanik eqqaaneq silaannaap pissusaanut sunniutaasinnaavoq annertooq.
Ulluinnatsinni nerisassanik eqqaaneq eqqarsaatigisorujussuusarparput, tulluusimaaqalutalu oqarsinnaavugut nerisassanik eqqaanngisaannaratta.
Igaffitsinni suut tamaasa naqqanit suliarisarpagut, ullaat tamaasa pastanut miserassat, dressingit assigisaallu sanasarpagut. Ulloq aallartikkaangat ilisimasarparput qanoq nerisassiortigissanerluta.
Tamassumunnga peqqutaavoq ukiorpassuarni ingerlasimagatta, ulluinnarnilu atuisugut ilisimalersimagatsigit. Ilisimasagut aallaavigalugit nerisassat annertussusissaat eqqorlugu sanasinnaasarpagut.
Ulluinnarni inuussutissanik qulakkeerinninnissaq anguniartarparput. Minnerpaanik ataqatigiisitsisinnaassuseq atuisutsinnut toqqissisimatitsisarpoq.
Nerisassat nerisassiornermi atugassat toqqortaateqarnerlu eqqarsaatigalugit ullormut arlaleriarluta nakkutilliineq ingerlattarparput. Igaffimmi suliarisartakkagut eqqarsaatigalugit taamaaliortarnissaq pingaaruteqarluinnarpoq. Sulisut qaammatini pingasuni ilinniartinneqartarpugut, tassanilu periutsit ilinniaqqissaartarpaat, aatsaallu ilikkarluareeraangamik namminneq sulisinnaalertarput. Inuussutissalerinermut Oqartussaqarfimmit arlaleriarluta misissuiffigineqartarpugut alakkarneqartarlutalu, tamatigullu eqqiluisaarnerput inuussutissanillu suliaqarnerput pillugu nersualaartittarluta. Tamannalu tulluusimaarutigeqaarput taamaattuaannassaagullu.
Suleqatigut ukiorpassuarni uagutsinni sulinikuupput – taamaattumik ulluinnarni periutsitsinnik ilisimasaqarluarput, taamaalilluta qulakkeerinninnissatsinnut nukissanik atorluaasinnaasarluta.
Sulisugut amerlanerpaat avataaneersuupput. Naak ilaatigut sinnattorisaraluaripput najugaqartunik suleqateqarnerunissaq, sulisugut nuannaralugillu tulluusimaarutigeqaagut, taakkuami patajaassutsip suunera ilisimalluarpaa ulluinnarnilu pitsaassuserisatsinnik naammassinnissinnaammata.
Najugaqavissunik sassaallersinnaasunik iggavinnilu sulisinnaasunik pissarsiniarneq pisariuneruleraluttuinnarpoq. Suliffissanullu taamak ittunut qinnuteqarnianut allanngorartumik sulinissaq ullullu takisinnaaneri sulerusussuseerutsitsisarput. Taamaattumik najugaqartut amerlanerit neriniartarfinni sulilernissaannik ukkataqarpugut. Taamak oqaaseqaraluarluta sulisugut avataaneersut iluunngarluta qujassuteqarfigeqaagut, taakkuami tunniusimalluarput, periarfissaqartitsipput suliffeqarfitsinnilu ineriartortitsillutik.
