Neriniartarfiit pingasut pillugit paasissutissat
Café Esmeraldami nuannersumi nerisassat cafeerpalaartut mamaqarluartut nerisinnaavatit, taakkua 2007-mili sassaalliutigisalerpagut. Økologiskit, uumasut uumalluarsimanissaat ukkataraagut, nerisassianilu akussat nutaat kisiisa atortarlugit, nerisassallu sulisunit pikkorissunit sassaalliutigineqartarput.
Esme Loungemi Europap kujataani nerineqartartut nerisinnaavatit, taakkualu tassaapput uagut Italiamut, Grækenlandimut, Spaniamullu angalagaangatta nerisartakkatsinnit isumassarsiarinikuusagut. Neriniartarfiaraaterput nuannersorujussuuvoq Esmerpalaarlunilu.
Minnerunngitsumillu Pascuttimi kaffi pitsaalluinnartoq Italiami sikanneqarnikoq sassaalliutigisarparput. Kaffisorniarfiutitsinni nuanneqisumi Nuup qeqqaniittumi kaffimik mamarisallit ukiut qulikkaat sinnerlugit kaffimik Italiameersumik sassaallerfigisarpagut. Neriniartarfiit pingasut ingerlataraagut, taakkunanilu ataatsimut isigalugu aggertut nuannersumik saamasumillu sullittarpagut.
Avatangiisit mianerineqarnissaat eqqumaffigisorujussuuarput, silaannaallu pissusaanut sunniuteqannginnissarput suliniutigisarlutigu. Uagutsinnut takeawayinik inniminniigussi, poortuutissat plastikkiunngitsut atorniartarpagut.
Nerisassat økologiskit atornissaat anguniartarparput, soorlu burgerinut neqiutigut Danmarkimeersuullutillu økologiskiusut.
Suliniummut The Happy Chickenimut aamma peqataavugut, taannalu aqqutigalugu kukkukuut Danmarkimeersut uumalluarsimasut økologiskiusullu atorlugit sassaalliuteqartarpugut.
Iffiaatigut amerlanerpaat aamma økologiskinik akoqarput, soorlu aamma salatiutigut amerlanerpaat aamma økoogiskiusut.
Ullutsinni najugaqavissunik saqisunik igaffinnilu sulisunik pissarsiniarneq ajornakusoortorujussuuvoq. Suliffissanullu taamak ittunut qinnuteqarnianut allanngorartumik sulinissaq ullullu takisinnaaneri sulerusussuseerutsitsisarput. Taamaattumik najugaqartut amerlanerit neriniartarfinni sulilernissaannik ukkataqarpugut.
Sulisugut amerlanerpaat avataaneersuupput. Naak ilaatigut sinnattorisaraluaripput najugaqartunik suleqateqarnerunissaq, sulisugut nuannaralugillu tulluusimaarutigeqaagut, taakkuami patajaassutsip suunera ilisimalluarpaat ulluinnarnilu pitsaassuserisatsinnik naammassinnissinnaallutik.
