Café Esmeraldamut Nuup qeqqaniittumut nuannerluinnartumut tikilluarit. Tassani nerisassat salatinik, dressinnginik nammineq sanaanik cafeerpalaartunik nerisinnaavutit, nerisassat amerlanerpaat naqqanit nammineq suliarisarpagut.
Weekendit tamaasa buffetimi bruncheqartarpugut, tassanilu mamarluinnartunik ullaakkorsiorsinnaavusi. Ullaakkut nal. 09 ammartarpugut, brunchillu aatsaat nal. 14.00 matusarput. Buffetimut ilaliullugu manninnik siatanik omeletinilluunniit aamma inniminniisoqarsinnaavoq.
Buffetimit nererusunngikkuit Esmeraldami inniminnerneqarsinnaasuni allanik inniminniisinnaavutit.
Danmarkimi najugaqarallatta malugilersimavarput angerlarsileraluttuinnarluta Nuummilu cafémik ammaasinnaaleratta angerlarpugut. 2007-mi marsimi Café Esmeralda siulleq Maximutip qulaani ammarparput.
2007-miilli Cafe Esmeralda ammarmat nerisassat salateqarluartut, imaqarluartut, mamartullu nerisassiariniarlutigit aalajangersimavugut. Ullumikkut nerisinnaasut marloriaatai sinnerlugit allinikuuvugut – 2017-milu ”Rockcafép” inissisimaffikuaniilerluta, tassanilu suli amerlanerit isersimasinnaalernikuupput. Suli inissisimaffitsinniippugut, ullullu tamaasa neriartortoqarsinnaalluni.
Uagutsinni nerisassat caférpalaartut mamartut nerissavatit. Nerisassat mamarluinnartut ataqatigiissaakkat økologiskit uumasullu uumalluarsimasut atorlugit suliarineqartarput. Taamaattumik eqqasuuteqarnak nerisinnaavutit.
Nerisassat mamarnerpaanissaat anguniarlugu akussat nutaat, naatitallu mamarluinnartut akorisarpagut. Taakkua toqqaannat umiarsuakkut timmisartukkullu uagutsinnut assartorneqartarput, taamaalilluta qulakkeerniartuarparput akussagut pigiuarnissaat.
Nuannersumik sullinneqarniassagavit sulisut qiimajuaannarput. Cafétsinni neriartortut nuannersumik misigisaqarnissaat pingaartitaraarput.
