2012 aasaagaa timmisartorluta Italiamut Riminimukarpugut, tassanilu ilaqutariit Pascuttikkut naapittussaavagut, taakkualu kaffinik sikatsisartuupput. Ilaqutariit Pascuttikkut Italiami kaffisorniarfinnik ingerlataqarput, kaffisorniarfiutaallu nunarsuarmi sumiiffinni assigiinngitsorpassuarni aamma ingerlanneqarpoq. Nunarsuarmi kaffisorniarfinnik Pascuttimik ilisaarnaatitalimmik naammattuuineq nalinginnaasuuvoq, taakkunanilu Pascuttikkut kaffiutaannik kaffisorsinnaavutit. Pascuttikkut kaffeerniarfiini avannarpasinnerpaamik inissisimavugut. Ilaqutariit Pascuttikkullu tamanna nuannarisorujussuuaat.
Aasap ingerlanerani Pascuttikkut kaffiliarisartagaat kisiat ilisimalinngilarput, ilaqutariimmi aamma ilisimalerpagut. Ilaqutariit Pascuttikkuut aqqutigalugit Italiami inuit imminnut qanilaarnerat ataqqeqatigiinnerallu malugaarput – sikatsitsisarfik illoqarfimmut piujuaannartitsisuuvoq, ullumikkullu ingerlatsinermi najugallit 500-t sikatsivimmi sulisuullutik. Ullormi tassani Italiamiut kaffiutaannik Nuummut angerlaassissalluta aalajangerpugut, ullumikkullu kaffisorniarfiuterput Pascuttikkut tulluusimaaqalutillu suleqataaffigilluarfigisaannik ingerlapparput.
Kaffimut paasinnittaasitsinni Italiami ilaqutariit qanimut suleqatigineranit pilersinneqarpoq, kiisalu Italiami kaffimut baristanullu sungiusaariaaseq atugaralutigu, ullumilu mamarluinnartumik kaffiliortilluta taakkua atortarpagut.
2022-mi aasap ingerlanerani Nuummi baristarisarput Irene Riminiliarpoq Eddiemut super baristatut ilinniartorluni. Irene Italiami Pascuttikkunniinnermini kaffilioriaatsinik nutaanik ilikkagaqarpoq misigisarpassuaqarlunilu. Pascuttimi kaffiliarineqartartut ilaatigut Haitiamiut kaffinik naatitsisartut 200-neersuupput, taakkualu Fair Trademi pitsaassuseq atorlugu økologiskinik kaffinik naatitsisarput.
Pascuttimi kaffimut pitsaassuseq, fairtrade piujuaannartitsinerlu ilisarnaataapput. Naleqartitat taakkua pingasut Nuummi Pascuttimi aamma malitaraagut, taamaattumik tulluusimaaqaluta ullut tamaasa 7.30-mit mamartunik kaffiliornissatsinnut piareersimajuaannarpugut.
Iggaveerannguatsinni brugerit mamaqarluinnartut akussat økologiskiusut uumasullu uumalluataarnissaannik pingaartitsisut atorlugit suliarisarpagut.
Sassaalliutigeriaannarnik kaagiuteqartuaannarpugut, croissantiuteqartarpugut sandwichiuteqartarlutalu.
Pascuttip kaffisortarfianut avannarpasinnerpaamut tikilluarit.
